Бүгін жастар алғаш рет дауыс беру учаскесіне келіп, өз таңдауын жасады, деп хабарлайды @Pavlodarnews.kz тілшісі.

Олар үшін бұл бюллетеньдегі жай ғана белгі емес — бұл елдің болашағына жасалған маңызды қадам.

Павлодардың 18 жастағы тұрғыны Диляра Айболқызы өз әсерімен бөлісті:

— Мен үшін референдумға қатысу – маңызды қадам. Бұл елдің болашағына өз үлесімді қосуға және азаматтық ұстанымымды білдіруге мүмкіндік берді. Дауыс бере отырып, мен белсенділігіміз бен жауапкершілігіміздің қаншалықты маңызды екенін түсіндім, - деді ол.

Қазақстанның ортақ болашағы дәл осындай шешімдерден құралады. Жас сайлаушылар үшін бұл — ұзақ уақыт есте қалатын ерекше күн.

Бүгінгі референдумда — әрбір дауыс ерекше маңызға ие.