35 жастағы жүргізуші көлік құралын басқарып, темір жолды кесіп өту кезінде бағдаршамның талаптарын елемеген, деп хабарлайды @Pavlodarnews.kz.

Polisia.kz медиа-порталының мәліметінше, тәртіп сақшылары патрульдік іс-шара барысында «ГАЗель» автокөлігі жүргізушісінің темір жол өткелдерінен өту ережесін бұзғанын анықтаған.

– Аталған құқық бұзушылық үшін жүргізушіге ҚР ӘҚБтК-нің 1-бөлігінің 607-бабы бойынша әкімшілік хаттама толтырылып, 10 АЕК көлемінде айыппұл салынды. Тәртіп бұзушымен профилактикалық әңгіме жүргізілді, – дейді Екібастұз қаласы полиция басқармасы жергілікті полиция қызметінің басшысы Рустам Умаров. 

Полицейлер теміржол өткелінің жолдың ең қиын әрі қауіпті бөлігі болып табылатынын және жол қозғалысы ережелерін қатаң сақтауды талап ететінін  еске салады.