Асфальт келесі жылы пайда болады, деп хабарлайды @Pavlodarnews.kz тілшісі.

Әлеуметтік желіде Баянауыл көпірінен Екібастұз ауылдық аймағындағы Құдайкөл ауылына дейінгі 14 шақырымдық жолдың жай-күйіне қатысты шағымдар пайда болды.

Ауыл тұрғындарының айтуынша, тас жол 70-ші жылдардан бері жөнделмеген.

– Ауылда қарттар мен балалар тұрады. Біреу ауырып қалса немесе өрт болып қалса, көрші ауылдан жедел жәрдем немесе өрт сөндіру қызметі келгенше көп уақыт кетеді. Қанша арыз түссе де шара жоқ, – деп ашуланады ауыл тұрғындары.

Екібастұз қалалық тұрғын үй-коммуналдық шаруашылық бөлімі биыл Құдайкөл ауылына кіреберіс жолды қайта жаңғырту жобасын әзірлегенін хабарлады. Іске асыру 2025 жылға жоспарланған.