Құтқарушылардың жұмысын қолайсыз ауа райы қиындатып отыр, деп хабарлайды @Pavlodarnews.kz.

Облыстық ТЖД баспасөз қызметінің мәліметінше, Солнечный кентінің маңында «Шандықсор» жасанды көлінде 4 шілдеде сағат 16:10 шамасында тыйым салынған жерде шомылу кезінде суға батып кеткен 2009 жылы туған баланы іздеу бойынша жұмыстары жалғасуда.

Баланы іздеуге Жедел-құтқару жасағының күштері 6 қызметкер, 2 техника, 2 жүзу құралы, сондай-ақ, эхолот тартылды. Іздеу шаралары қолайсыз ауа райымен қиындатылуда.

–  Қатты жел мен толқындар кедергі жасауда. Осыған қарамастан, сүңгуірлер жұмыстарын жалғастыруда, – деді департаментте.

Павлодар облысы ТЖД еске салады: жабдықталмаған жерлерде шомылу өте қауіпті.