Екі жасар бала анасын балконда жауып тастаған, деп хабарлайды @Pavlodarnews.kz тілшісі.

Облыстық Төтенше жағдайлар басқармасы баспасөз қызметінің мәліметінше, 3 ақпан күні сағат 13:29-да Абай көшесінде орналасқан тұрғын үйлердің бірінде төтенше жағдай орын алды. Екі жасар бала анасын балконда жауып тастап, әйел ішінде қамалып қалған.

Шұғыл қызметтердің пультіне хабар түскеннен кейін, құтқарушылар оқиға орнына дереу жетті. Альпинистік жабдықты қолдана отырып, мамандар балконға шығып, есікті ішінен ашты.

Құтқарушылардың кәсібилігі мен жедел әрекетінің арқасында жағдай тез арада шешіліп, зардап шеккендер жоқ.