Мердігерлер барлық бұзушылықтарды жойды, деп хабарлайды @Pavlodarnews.kz тілшісі.

Ағымдағы жылдың ақпан айында Май ауданына қарасты Көктөбе ауылының жылу магистралін қайта жаңғырту бойынша конкурс өткізіліп, оны Павлодар қаласының мердігері «Story Company 2017» ЖШС жеңіп алды. 20 сәуірден бастап олар жалпы ұзындығы 2,7 шақырым құрайтын жылу трассасын жөндеуге кірісті. Барлық залалды жоюға 280 миллион теңге бөлінді. Бұл туралы аймақ басшысының Май ауданына жұмыс сапары барысында серіктестік директоры Кенжебек Әбжанов мәлімдеді.

Бүгінгі күні құбырларды төсеу үшін траншеялар қазылып, 2,6 шақырым құбыр тартылып, 17 нысанның 12-сі қосылды. Барлығы жұмыстың 85 пайызы орындалған. Жылу магистралін пайдалануға беру 20 қыркүйекке жоспарланғандықтан, жұмыс мерзімінен бұрын жүріп жатыр деп санауға болады.

– Қалған жұмыстарды айдың соңына дейін аяқтаймыз, содан кейін тек құбырларды шаю мен қосу қалады. Барлық ақаулар жойылды, бұл үшін асфальтқа зақым келтірмей құбырларды бес рет тесіп өттік. Бақылау гидравликалық сынақтары тамыз айында өтеді, – деді Кенжебек Әбжанов.

Асайын Байханов барлық жұмыстарды жылыту маусымы басталғанға дейін аяқтауды тапсырды.