«Кіреберістегі арканың үздік эскизі» конкурсының қорытындысы шығарылды, деп хабарлайды @Pavlodarnews.kz тілшісі.

Ленин кенті әкімдігінің мәліметінше, конкурс 21-30 қыркүйек аралығында өткен. 

– Ұйымдастыру комитеті отырысының қорытындылары бойынша кіреберіс арканың эскизі бекітіліп, әрі қарай мердігерлік ұйымға эскиздік жоба және жобалық-сметалық құжаттама даярлау үшін жұмысқа жолданды, – дейді әкімдікте. 

Конкурс кент тұрғындары арасында жарияланған. Бір ғана конкурсант екі жоба ұсынған, алайда оның бірі де бекітілмеген. Бір ай талқыланған стела эскизі алқалы шешіммен бекітілген және тұрғындар бұл шешімді қолдады. Қазіргі таңда стела дайындалу сатысында. Мердігер – «Альянс» ЖШС.

Жобаны қараша айының соңына дейін аяқтау жоспарланып отыр. Содан кейін әрі қарай шығындар анықталады. Ал жобаны іске асыру 2024 жылға жоспарланып отыр.