Күн сайын полиция қызметкерлері жол бойында және тас жолда малдың болуына жол бермеу бойынша рейдтер жүргізеді, деп хабарлайды @Pavlodarnews.kz тілшісі.

Павлодар облысы полиция департаментінің мәліметінше,  Павлодар – Атамекен автожолында 35 бас жылқы жайылып жүрген. 

– Мал иесіне қатысты әкімшілік хаттама толтырылып, үш айлық көрсеткіш мөлшерінде айыппұл салынды және осындай бұзушылықтарға жол бермеу бойынша әңгіме жүргізілді, – деді департаментте. 

Павлодар – Қызылорда республикалық маңызы бар трассада да иесінің қарауынсыз ірі қара мал жүрген.

– Қабылданып жатқан шараларға қарамастан, мал иелерінің тиісті бақылауы жоқ, бұл автожолдардағы жол-көлік оқиғаларына және мал ұрлығына әкеп соғады. Көбінесе ауылшаруашылық жануарларын ұрлаудың себебі – жайылымда жайылып жүрген малдың қараусыз қалуы, – дейді тәртіп сақшылары.

Айта кетейік, жыл басынан бері мал иелеріне мал жаю ережелерін бұзғаны үшін 444 жаза қолданылған.