Мұнда ағымдағы жылы егіс алқабы екі мың гектарға артқан, деп хабарлайды @Pavlodarnews.kz тілшісі.

Өткен жылмен салыстырғанда былтыр бұл көрсеткіш 95,1 мың гектар болса, биыл 97 мың гектарды құрап отыр. Биылғы егіс құрылымының негізгі бөлігін майлы дақылдар алып отыр – 52,6 мың гектар. Бұл өткен жылғы көрсеткіштен 15,9 мың гектарға немесе 43%-ға артық. Дәнді дақылдар 24,5 мың гектарға егілген. Өткен жылы олардың көлемі 37,7 мың гектар болған. Сонымен қатар, 10,7 мың гектар мал азықтық дақылдарды, 6,2 мың гектар картопты және 3 мың гектар көкөністі жинау жоспарланған.

Орақ науқаны қалай жүріп жатыр?

Қазіргі таңда ауданда 8,6 мың гектар дәнді дақыл жиналды. Бұл жалпы алқаптың 35%-ын құрайды. Орташа өнімділік гектарына 8,4 центнерден, жалпы өнім көлемі 7,3 мың тоннаға жетті.

Атап айтқанда, бидай 9,2 мың гектардың 5,1 мың гектарынан жиналды. Бұл – 56%. Орташа өнімділік гектарына 9 центнерді құрап, жалпы 4,6 мың тонна астық бастырылды.

Арпа 5,5 мың гектардың 1,45 мың гектарынан, яғни 26%-ынан жиналды. Өнімділік гектарына 8,7 центнерді құрайды. Бүгінде 1,26 мың тонна арпа жиналды.

Сұлы 4,1 мың гектардың 1,45 мың гектарынан, немесе 36%-ынан жиналды. Орташа өнімділік гектарына 7 центнерді құрап отыр.

Күздік қара бидайдың жиын-терімі толық аяқталды. 2025 жылы егілген бұл дақылдың 0,6 мың гектары түгел жиналды. Өнімділік гектарына 5,8 центнер болып, жалпы 0,4 мың тонна өнім алынды.

Аудан әкімдігінің мәліметінше, соңғы үш жылда күздік қара бидай егілмеген. Бұл дақылдың ерекшелігі – оны тамыз айында сеуіп, өнімін келесі жылы жинайды.

Картоп жинау жұмыстары да жалғасуда. Қазіргі уақытта 6,2 мың гектардың 1,15 мың гектары, яғни 18%-ы жиналды. Орташа өнімділік гектарына 300 центнерді құрайды. Жалпы өнім көлемі 34,5 мың тоннаға жетті. Картоптың егістіктен шығатын орташа бағасы – келісіне 120 теңге.

Көкөніс дақылдарының 3 мың гектарының 950 гектары, яғни 31%-ы жиналды. Орташа өнімділік гектарына 300 центнерді құрап, жалпы 28,5 мың тонна өнім алынды. Сәбіздің егістіктен шығатын бағасы – келісіне 130 теңге, қызылшаныкі – 120 теңге.

Аграршылар дизель отынымен қамтамасыз етілуде

Күзгі дала жұмыстарын жүргізу үшін Павлодар ауданының ауыл шаруашылығы тауарын өндірушілеріне 3165 тонна жеңілдетілген дизель отыны бөлінді.

Қазіргі уақытта 2533 тоннаға, яғни бөлінген көлемнің 80%-ына өтінім берілген. 1614 тонна үшін төлем жасалды, бұл – 64%. Оның 774 тоннасы, яғни төленген көлемнің 48%-ы шаруашылықтарға жеткізілді.

Жеңілдетілген дизель отынының бір тоннасының құны 319 123 теңге, немесе литріне 269 теңге.

Шаруашылықтар ауыл шаруашылығы техникасын жаңартып жатыр

2026 жылдың басынан бері Павлодар ауданының аграршылары жалпы құны 1,7 миллиард теңге болатын 44 бірлік ауыл шаруашылығы техникасын сатып алды.

Оның ішінде 14 техника бірлігі жалпы құны 720 млн теңгеге шаруашылықтардың өз қаражаты есебінен алынған. Тағы 30 бірлік техника 1 миллиард теңгеге лизингтік компаниялар арқылы сатып алынды.

Техника паркін жаңартқан шаруашылықтардың қатарында «Набережное» ЖШС бар. Кәсіпорын жалпы құны 520 миллион теңге болатын үш астық жинайтын комбайн және 25,4 миллион теңгеге екі трактор сатып алды.

Сонымен қатар «Асхат» шаруа қожалығы жалпы құны 25,4 миллион теңге болатын екі трактор алды. Ал «Ткачук» шаруа қожалығы 201 миллион теңгеге екі трактор сатып алды.

Аудандағы орақ науқаны жалғасуда. Аграршыларға дәнді дақылдардың, картоп пен көкөністің қалған алқаптарын жинап, өзге де ауыл шаруашылығы дақылдары бойынша жұмыстарды аяқтау қажет.