Әйгерім Әбенова тұрғындарды тыңдау және мәселелерді шешу үшін азаматтарды жеке қабылдауға кірісті, деп хабарлайды @Pavlodarnews.kz тілшісі.

Облыстық білім беру басқармасының басшысы Instagram парақшасында мәлімдегендей, ашық қарым-қатынас және кері байланыс – білім беру саласындағы маңызды қадам.

– Әр сәрсенбі күні сағат 15:00-ден 16:30-ға дейін Павлодар қаласы, Генерал Дүйсенов көшесі, 80 мекенжайындағы азаматтарды қабылдау аймақтық орталығында азаматтарды қабылдау жүргіземін. Мұнда білім беру саласына қатысты барлық мәселелер бойынша – мектепке дейінгіден бастап кәсіби деңгейге дейін – кеңес алуға болады, – деп жазды Әйгерім Әбенова әлеуметтік желіде.

Сонымен қатар, азаматтар өз ұсыныстарын, сұрақтарын немесе шешімді қажет ететін жағдайларды хабарлау үшін келесі байланыс құралдарын пайдалана алады:

• орталықтың байланыс телефондары: 8 (7182) 32-09-65, 65-39-06.
• тікелей телефон нөмірі: 8 (747) 035-75-20.
• Instagram парақшасы: @aigerim_erkenovna.

Басқарма басшысы Әйгерім Әбенова ашық диалогтың маңыздылығын атап өтіп, білім беру жүйесін бірлесе жақсартуға үлес қосып жүрген барлық ата-аналарға, әріптестерге және тұрғындарға алғысын білдірді. Оның айтуынша, кері байланыс пен сындарлы ұсыныстар арқылы ғана алға қарай дами аламыз.