Жас ветеринарлар, агрономдар мен механизаторлар Кемеңгер ауылында кездесті, деп хабарлайды @Pavlodarnews.kz тілшісі.

Орта буын оқушыларына арналған «JuniorSkills» және кіші сынып оқушыларына арналған «BabySkills» кәсіби шеберлік конкурстарын «Ertis» жоғары инновациялық аграрлық колледжінің ұжымы өткізді. Онда Павлодар ауданының оқушыларына трактор немесе КамАЗ жүргізуді, жұмыртқаның балғындығын анықтау мен қойға клиникалық тексеру жүргізуді Кеменгер ауылында үйретті. 

Іс-шараға Шақат ауылынан жергілікті жалпы білім беретін мектептің оқушылары мен өмірлік қиын жағдайға тап болған балаларды қолдау орталығының тәрбиеленушілері қатысты. Олар үшін студенттер нұсқаушы болды. 

Ортаңғы сыныптағы балаларға «JuniorSkills» байқауы аясында екі бағыт ұсынылды. Ветеринария мен агрономияны таңдаған қатысушылар тақырыптар бойынша сұрақтарға жауап беріп қана қоймай, практикалық тапсырмаларды да орындауы керек болды. 

- Оқушылар арнайы құрылғыда овоскопия жасау, яғни жұмыртқаның балғындығын тексеруді үйренді. Сонымен қатар, балалар қойдың жүрек соғуын өлшеп, олардың түсін анықтады. Әрине, байқау басталғанға дейін барлық қатысушылар үшін егжей-тегжейлі нұсқау өткізілді, бірақ олар үшін мектеп бағдарламасынан алған білімдерін пайдалану, эрудицияның жалпы деңгейін көрсету маңызды болды, - деді «Ertis» жоғары инновациялық аграрлық колледжінің басшысы Айгүл Байжұманова.

Нәтижесінде ветеринария және агрономия бойынша «JuniorSkills» бас жүлдесін Рауан Олжабаев жеңіп алды. Бірінші орынды Ольга Зубарева, екінші орынды Дамелі Бейбит пен Светлана Гаманкова бөлісті. Үшінші орынды Нина Коваль мен Анель Есенова өзара бөлісті.

Ауыл шаруашылығын механикаландыру бойынша бейінді таңдаған «JuniorSkills» байқауына қатысушылардың тапсырмалары да қызықты болды. Онда теориялық бөлімде олар техника мен құралдардың мақсатын анықтады. Бірақ практикалық тапсырмалар тренажер-симуляторда орындалды. Қатысушылар көлікті өрескел жерлерде, тракторда және КамАЗда басқарып, қозғалтқышты жинады.

Алдымен үшінші курс студенттері нұсқаулық өткізіп, осы жабдықты қалай пайдалану керектігін көрсетті. 

Бұл додада бірінші орын Ахмедияр Ахметов, екінші орын Жақсылық Батырбек, үшінші орын Әділжан Байызбаевқа бұйырды.

«BabySkills» байқауының ең жас қатысушылары ветеринария мен агрономияның кешенді бағыты бойынша ғана бақ сынасты. Олар викторина сұрақтарына жауап беріп, жұмбақтарды шешіп, дәнді дақылдармен жұмыс істеп, жануарлардың импульсін өлшеді. Мұнда бас жүлде Дарина Лобадаға бұйырды. Бірінші орынға Денис Епин лайық болса, екінші орынды Анфиса Королева мен Ерислам Мейрам еншіледі. Үшінші орынды Досымжан Бадахан мен Дінмұхамед Махаббат өзара бөлісті.