Көктайғаққа байланысты сабақтар қашықтықтан ұйымдастырылады, деп хабарлайды @Pavlodarnews.kz тілшісі.

Білім беру басқармасының мәліметінше, Павлодарда екінші ауысымдағы барлық сыныптарда сабақтар тоқтатылды.  

Ақсу қаласының оқушылары да  қашықтықтан оқуға ауыстырылған. Екінші ауысымның 1-11-сынып оқушылары онлайн  форматта оқиды. 

Қалада 0 градус, желдің жылдамдығы секундына 4 метрді құрайды.  Сондай-ақ қосымша секциялар мен үйірмелерде  де сабақтар қашықтықтан өтеді.

Естеріңізге сала кетейік, «Қазгидромет» РМК филиалы 28 ақпан сағат 21.00-ден 1 наурыз сағат 21.00-ге дейін өңірде дауылды ескерту  жариялады. Павлодар облысының солтүстік жартысында жаңбыр мен қар аралас жауын-шашын, көктайғақ күтіледі.