Павлодарлықтар алдында қазақ эстрадасының жұлдызы Жанар Дұғалова өнер көрсетті, деп хабарлайды @Pavlodarnews.kz тілшісі.

Жеңіл аязға қарамастан, осы айтулы оқиғаны тамашалауға павлодарлықтардың біразы келді. Жанар Дұғаловадан бөлек павлодарлықтар Гүлдана Құсайынова мен басқа да жергілікті таланттарды сахнадан көрді. Көрермендер тоңып қалмасы үшін диджейлер барынша тырысып бақты.

Орталық алаңда ыстық сусындар мен тағамдар саудасы ұйымдастырылды. Ұзақ уақытқа созылған мәдени бағдарламадан кейін тұрғындармен бірге облыстың бас шыршасын Аяз ата мен Ақшақар жақты.