Белгілі температуралық режимде облыс мектептерінде штаттық режимдегі сабақтар қашықтық форматқа ауыстырылады, деп хабарлайды @Pavlodarnews.kz.

Павлодар қаласының білім беру бөлімі ата-аналар мен балалар үшін  мектептерде сабақтар өткізілмейтін ережелерді еске салды.

Мектептерде сабақтар төменгі ауа райы болған кезде тоқтатылады:

0-4-сынып оқушылары үшін минус 25 градус және одан төмен температурада, желдің жылдамдығы 2-4 м/с немесе одан да жоғары болғанда. 

0-9-сыныптар үшін минус 29 градус және одан төмен температурада, желдің жылдамдығы 5 м/с немесе одан да жоғары болғанда. Сондай-ақ, минус 30 градус және одан төмен температурада, желдің жылдамдығы 2-4 м/с немесе одан жоғары кезінде.

0-11-сыныптар үшін минус 30 градус және одан төмен температурада, желдің жылдамдығы 5 м/с немесе одан да жоғары болғанда. Сондай-ақ, минус 33 градус және одан төмен температурада, желдің жылдамдығы 2-4 м/с немесе одан да жоғары болғанда.

Желдің жылдамдығы секундына 20 метр болғанда 1-4-сыныптарда, ал 25 метр болғанда 1-11-сыныптарда сабақтар өткізілмейді.