Дөңгелек үстел аумақтық кәсіподақтар бірлестігінің алаңында жұмысшы әйелдердің мәселелері талқыланды, деп хабарлайды @Pavlodarnews.kz тілшісі.

Диалогқа өңірдің кәсіподақ көшбасшылары, мемлекеттік құрылымдардың, әлеуметтік медициналық сақтандыру қорының және қоғамдық бірлестіктердің өкілдері қатысты. Аумақтық кәсіподақтар бірлестігінің басшысы Динара Айтжанованың айтуынша, бүгінде Павлодар облысында 38 мыңнан астам әйел зиянды және басқа да қолайсыз еңбек жағдайларында жұмыс істейді. Сонымен қатар, өткен жылы 25 әйел жұмыс орындарында зардап шекті, біреуі қайтыс болды.

– Физикалық қиын еңбек жағдайларынан басқа, көптеген әйелдер өздерінің мүмкіндіктерін шектейтін және кәсіби қызмет пен кәсіби өсу үшін қиындықтар туғызатын бірқатар қиындықтарға тап болады, –- деп атап өтті Динара Айтжанова.  –Қоғамда әйелдерге, көшбасшы әйелдерге, көшбасшылық лауазымдарды атқаратын әйелдерге қатысты әлі де белгілі бір стереотиптер бар. Бұл мансаптық мүмкіндіктің шектелуі, жалақы бойынша теңгерімнің болмауы және басқа мәселелер.

Ал еңбекші әйелдер істері жөніндегі кәсіподақ комиссиясының төрағасы Раушан Даумова бүгінгі таңда қоғам қайраткерлері әйелдерге арналған кәсіпорындардағы жағдайларға ерекше назар аударатынын айтты. Тау-кен металлургия кешенінің ірі кәсіпорындарымен ынтымақтастықтың арқасында зауыттардағы санитарлық-гигиеналық жағдайлар әлдеқайда жақсарды. 

– Біз бөлек киім ауыстыратын бөлмелерді, шаш кептіргіштері мен айналары бар душ бөлмелерін, киім кептіргіштерді және тағы басөқаларын алдық,  – деп атап өтті спикер. – Енді агроөнеркәсіп, энергетика саласы, коммуналдық және басқа да салалардың қызметкерлері үшін де осындай нәтижелерге қол жеткізу қажет. 

«Әділдік және өркендеу» қорының өңірлік филиалының үйлестірушісі Гүлнәр Исенованың пікірінше, бүгінде қоғам алдында қыздар арасында жұмысшы мамандықтарын дәріптеу міндеті тұр. Себебі, жастар ортасында жұмысшы мамандығы беделді емес және жалақысы төмен деген көзқарас әлі де бар.

Естеріңізге сала кетейік, 2025 жыл Қазақстанда жұмысшы мамандықтар жылы болып жарияланды.