Бұл лауазымға үміткерлер саны 17-ге жетті, деп хабарлайды @Pavlodarnews.kz.

Май ауданының Ақшиман ауылдық округінде сайлауға 164 сайлаушы қатысты. Дауыстардың басымдығы 55 жастағы Мұрат Исинге берілді.

Ал Павлодар ауданында бірден төрт ауыл әкімдіктерінің басшылары ауысты. 

Үміткерлердің ең көп саны Заряда тіркелді – төртеу. Сайлау қорытындысы бойынша ауыл әкімі аппаратының 57 жастағы бас маманы Зейнеп Токина осы ірі ауылдық округтің әкімі болып сайланды.

Чернорецк ауылдық округі әкімінің кабинетін 59 жастағы Серік Омаров иеленді, ол өзінің екі қарсыласынан сайлаушылар дауысы бойынша едәуір асып түсті.

Аудандық аумақтық сайлау комиссиясының ақпараты бойынша, Кемеңгер ауылдық округін «Ertis» жоғары Инновациялық аграрлық колледжі директорының тәрбие ісі жөніндегі 45 жастағы орынбасары Әлия Киреева басқарады. Ольгинка ауылындағы мектеп директорының орынбасары 33 жастағы Әлхан Қизатов Рождественка ауылдық округінің әкімі болып сайланды. 

Биылғы жылдың соңғы сайлауы 14 желтоқсанда Железин ауданында өтеді. Новомир ауылдық округінің тұрғындары үш үміткердің бірі – Ольга Белимова, Оксана Горобец немесе Нұрлан Унбаевты таңдауы керек. Үшеуі де өзін-өзі ұсынды және осы аймақтың тумалары.