Биыл балмұздақ пен тағамдық мұз бағасы бірден 33%-ке қымбаттады, деп хабарлайды  @Рavlodarnews.kz.

Enegryprom сарапшыларының мәліметінше, 2023 жылғы қаңтар-мамыр аралығында балмұздақ пен тағамдық мұз өндірісі 19,7 мың  жетіп, бір жыл ішінде өндіріс көлемі бірден 40,3%-ке артқан.

2023 жылдың мамыр айының қорытындысы бойынша, балмұздақ бағасы бір айда 5%-ке өскен.  Салыстырмалы түрде алатын болсақ, былтыр мамырда балмұздақ бағасы 2,7%-ке ғана артқан. Өңірлер бойынша, Алматыда баға тек 1,1%-ге өссе, Түркістан облысында 19,7%-ке қымбаттады. 

Балмұздақ бағасы Алматы облысы мен Астанада да айтарлықтай өскені байқалады - 18,2% және 10,9%. Ал Жетісу, Қарағанды, Қызылорда, Павлодар және Солтүстік Қазақстан облыстарында баға өзгермеген.

Бір жыл ішінде балмұздақ бағасы бірден 32,7%-ке қымбаттады, бұл кейінгі жылдарда тіркелген ең көп өсім. Өңірлер бойынша, Батыс Қазақстан облысында баға 79,7%-ке, Астанада 68,4%-ке, Алматыда 44,7%-ке артқан.

Баға шамалы ғана көтерілген аймақтар – Павлодар облысы (жылына 7,7%), Абай облысы (13,6%) мен Алматы қаласы (18,6%).