Өңір тұрғындарынан тек ресми ақпаратқа сенуді сұрайды, деп хабарлайды @Pavlodarnews.kz.

Айта кетейік, әлеуметтік желіде белгісіз әйелдің  26 сәуірден 10 мамырға дейін интернет мүлдем болмайтыны туралы айтылғаны жазылған дыбыстық хабарлама таралуда.   

– Электрондық кассалық аппараттардың иелері калькуляторлар мен таразыларды  пайдалануы керек. Өңір тұрғындарына екінші деңгейдегі банктердің есеп шоттарынан өз жинақтарын алу ұсынылды, – дейді хабарламаның авторы. 

Облыс әкімдігінде бұл ақпараттың шындыққа жанаспайтыны туралы айтты.

– Павлодар облысының цифрлық технологиялар басқармасының хабарлауынша, барлық байланыс операторларының ақпараттық-телекоммуникациялық инфрақұрылымы штаттық режимде жұмыс істейді, - деп атап өтті әкімдікте.

Аймақ тұрғындарынан ресми және сенімді ақпарат көздерінен алынған ақпаратқа сенуді және жалған ақпарат таратпауды сұрады.