Онлайн платформада университеттер мен мамандықтар туралы өзекті аналитика жинақталған, деп хабарлайды @Pavlodarnews.kz тілшісі.

Мемлекет басшысының Жұмысшы кәсіптер жылын өткізу жөніндегі тапсырмаларын орындау шеңберінде еңбек және халықты әлеуметтік қорғау министрлігі «Жобалардың инновациялық навигаторы» ақпараттық жүйесін әзірледі.

Инновациялық жоба навигаторы – бұл кадрлық ресурстарды басқаруға, инвестициялық жобаларды бақылауға және еңбек нарығындағы жағдайды талдауға арналған аналитикалық құрал. 

– Еңбек министрлігі жұмыс орындарын құру көрсеткіштері, еңбекақы төлеу қорының мөлшері, жалақыны уақтылы төлеу және әлеуметтік аударымдар негізінде жобалардың тиімділігін бағалауды жүзеге асыратын болады, – дейді Павлодар облысы жұмыспен қамтуды үйлестіру және әлеуметтік бағдарламалар басқармасының басшысы Альмира Дисюпова. 

Сонымен қатар, студенттердің практикалық дағдыларын игеру үшін электрондық еңбек биржасында өндірістік практикадан өту орнын табуға мүмкіндік беретін функционал іске қосылады деп жоспарлануда. 

– Қазіргі таңда кәсіби мансапты таңдау және мансап траекториясын басқару үшін «Мансап компасы» жобасы іске асырылуда. Порталда кез келген адам мамандықты таңдай алады. Жоба түлектерді жұмысқа орналастырудың нақты үлесі және мемлекеттік дерекқордан алынған ақпарат негізінде жалақы деңгейі, 1-орынға гранттар мен үміткерлердің саны туралы ақпарат береді, – дейді ол.

Айта кетейік, аймақ басшысы Асайын Байханов өңірлік жұмыспен қамту картасы бойынша қала әкімдері мен аудан әкімдеріне биылғы жылдың енгізген жобаларын іске асыруды бастап, сұрақтар мен ұсыныстарды талқылап, үнемі бақылауда ұстауды тапсырды.