Ауа райының қолайсыздығына байланысты сабақтар қашықтықтан ұйымдастырылады, деп хабарлайды  @Pavlodarnews.kz тілшісі.

Қалалық білім беру бөлімінің мәліметінше, 10 қаңтарда  қала мектептерінде екінші ауысымдағы мектепалды, 1-9-сынып оқушыларының сабақтары қашықтықтан оқыту форматына ауыстырылады. Температура минус 12 градусты көрсетуде, желдің жылдамдығы 10-25 м/с құрайды.

Сондай-ақ Ақсу қаласында да ауа райына байланысты екінші аусым оқушылары үшін сабақтар онлайн форматта өткізіледі. 

Еске сала кетейік, облыста дауылды ескерту жарияланды. Бұрқасын, күндіз көктайғақ күтіледі. Оңтүстік-батыстан жел соғады, күші 15-20, күндіз екпіні 23-28 м/с, облыстың батысында, солтүстігінде кей уақыттарда 30 м/с  құрайды. 

11 қаңтарда түнде облыстың басым бөлігінде 15-20, екпіні 23-28 м/с, облыстың батысында, солтүстігінде кей уақыттарда 30 м/с дейін жетеді.