Рейдтер барысында шомылу маусымының нәтижелері анықталды, деп хабарлайды @Pavlodarnews.kz тілшісі.

Павлодар облысы төтенше жағдайлар департаментінің мәліметінше, жалпы су пайдалану ережелерін бұзғаны үшін ҚР ӘҚБтК-нің 364-бабы бойынша 209 азамат, қоғамдық орындарда ішімдік ішкені және алкогольдік күйде болғаны үшін ҚР ӘҚБтК-нің 440-бабы бойынша 108 азамат жауапкершілікке тартылды. Осы бап бойынша жалпы сомасы 590 мың теңгеден астам айыппұл салынды.

Сондай-ақ, шағын көлемді кемелерді пайдалану ережелерін бұзғаны үшін бес азамат ҚР ӘҚБтК-нің 582-бабы бойынша жазаланды. Ал су айдындарындағы қауіпсіздік ережелерін бұзған 56 азамат ҚР ӘҚБтК-нің 412-бабы бойынша айыппұл төлеуге мәжбүр. 

 – Бұл – рейдтер барысында, полиция қызметкерлерімен бірлесіп анықталған кейбір немқұрайлы азаматтардың жазғы кезеңдегі шомылу маусымының нәтижелері, –  дейді төтенше жағдайлар департаментінде.

Айта кетейік, Павлодар облысында шомылу маусымы жабылды.