Жол-көлік оқиғасы бүгін «Атамекен – Ақтоғай – Ресей Федерациясының Русская Поляна» автожолында орын алды, деп хабарлайды @Pavlodarnews.kz тілшісі.

Облыстық полиция департаментінің алдын ала мәліметі бойынша, «Шевроле» автокөлігінің жүргізушісі рөлге ие бола алмай, көлік аударылған. Жол апаты салдарынан екі адам қаза тапты, тағы үш жолаушы ауруханаға жеткізілді.

– Қазір аталған факті бойынша қылмыстық іс қозғалды. Оқиғаның мән-жайы мен себептері тергеу барысында анықталады, – деді департаментте.

Тәртіп сақшылары жүргізушілерге жолда абай болуды, жылдамдық режимін қатаң сақтауды және көлік құралдарының техникалық жағдайын үнемі тексеріп отыруды ескертеді.