Бұл көкөністің бағасы 52,4%-ға өскен, деп хабарлайды  @Pavlodarnews.kz тілшісі.

Өңірлік статистика департаменті баспасөз қызметінің мәліметінше, азық-түлік тауарлары тобында май және тоң май бағасы – 8,8%-ға, сүт өнімдері – 2%-ға, кондитер өнімдері 0,6%-ға қымбаттады. Бұл ретте қант бағасының – 2,6%-ға, жұмыртқа – 1,5%-ға,  қарақұмық жармасының 0,5%-ға  арзандауы байқалды. 

– Көкөністер мен жемістерден жемістер арасында қиярлар бағасы  – 52,4%-ға, қызанақтар – 34,8%-ға, ақ қауынды қырыққабат және пияз – 18,8%-ға, картоп – 7%-ға, алма – 2,5%-ға, қызылша – 1,1%-ға  қымбаттады, ал сәбіз бағасы  9,5%-ға арзандады, – деп жазылған хабарламада. 

Азық-түлік емес тауарлардың бағасы бойынша зергерлік бұйымдар және сағаттар – 7,3%-ға, автомобильдер – 1%-ға, фармацевтикалық өнімдер – 0,4%-ға, бензин – 0,3%-ға, киім және аяқкиім бағасы 0,1%-ға өскен.

Ақылы қызметтер бойынша ыстық су – 19,3%, орталықтан жылыту  9,2%-ға қымбаттаған.