Оқушылар көршілес облысқа кеңсе тауарларын жіберді, деп хабарлайды @Pavlodarnews.kz тілшісі.

Розовка атындағы орта мектептің 9-сынып оқушылары ата-аналарымен бірге еліміздің су басқан өңірлеріндегі мектеп оқушыларына қолдау көрсетіп, кеңсе тауарларын жіберуге шешім қабылдады. Сондай-ақ, жергілікті кәсіпкерлер көмек көрсетуге бел буған. 

Мектеп мұғалімдері балалардың кеңсе тауарларын жинауға үлкен ынтамен кіріскенін атап өтті. Белсенді жұмыстың нәтижесінде мектеп оқушылары мектеп жинақтарын, оның ішінде қалам, қарындаш, дәптер, киім-кешек және басқа да қажетті заттарды жинады. 

– Бұл шара балаларға үлгі болады деген үміттеміз. Жиналған заттар су тасқыны салдарынан оқу құралдарынан айырылған балаларға таптырмас көмек болады, – дейді Розовка атындағы орта мектеп директорының орынбасары Серік Қайырбеков.

Айта кету керек, алдағы күндері аудандық мәслихат депутаты Сергей Ткачуктың қолдауымен Петропавл қаласына гуманитарлық көмек жеткізілмек.