Жылу режимін реттеу үшін жаңа сорғы станциясы іске қосылды, деп хабарлайды @Pavlodarnews.kz.

№3 сорғы станциясын орталық жылу пунктіне қайта жабдықтай отырып, қайта құрылымдау аясындағы жұмыстар аяқталды. Бұл туралы «Павлодар жылу желілері» ЖШС бас инженерінің орынбасары Павел Плетухов мәлім етті. 

– Екі шағын аудан тәуелсіз жылумен жабдықтауға қосылды. Жоба бойынша барлық жүктемелер зерделеніп, қажетті жабдықтар айқындалғаннан кейін оларды орнату жұмыстары қолға алынған болатын. Бүгінде жабдық баптау және іске қосу режимінде, – деді Павел Плетухов.

Енді Лесозауыт және Радио зауыт шағын аудандарының тұрғындарына жылу параметрлері тиісті түрде беріледі. Бұрын екі шағын аудан үйлері ЖЭО-3-тен №37 мен 22 ірі жылу магистраліне жоспарсыз қосылған болатын, сондықтан пәтерлерде қысым жоғары болған. Қазір №3 сорғы станциясын іске қосу нәтижесінде қажетті қысымды белгілеп, өзгертіп, белгілеуге болады. Жоба соңғы бес жыл ішінде жүзеге асырылып жатты. Инвестициялық бағдарлама шеңберінде қаржы жағынан үш миллиардқа жуық теңге бөлінді.