Электр есептегіштері тексеру мерзімі өткеннен кейін ғана ауыстырылады, деп хабарлайды  @Pavlodarnews.kz тілшісі.

«ПАВЛОДАРЭНЕРГО» АҚ алаяқтық әрекеттердің жиілеп кетуіне байланысты энергиямен жабдықтаушы ұйымның міндеттері электрмен жабдықтау шарты бойынша «Павлодар электржелістік тарату компаниясы» АҚ-на ауысуына орай электр есептегіштерін ауыстыру қажеттілігі жоқ екендігі туралы хабарлайды.

– Электр есептегіштері тексеру мерзімі өткеннен кейін ғана ауыстырылады. Бұл жағдайда «ПЭТК» АҚ тұтынушыға есептегішті ауыстыру қажеттілігі туралы хабарламаны алдын ала жолдайды, – деп жазылған хабарламада. 

Компанияда алаяқтармен хат алыспауды, қоңырау кезінде жеке деректерді хабарламауды және келіп түскен SMS нөмірлері мен кодтарды атамауды сұрайды. 

Байланыс орталығының нөмірі: +7 (7182) 903-309.