Павлодарда кондитерлік цехта өрт шықты
Өрт сөндірушілер үш газ баллонын қауіпсіз жерге шығарды, деп хабарлайды @Pavlodarnews.kz тілшісі.
Оқиға Литвинов көшесінде орналасқан кондитерлік цехтың екі қабатты ғимаратында орын алды.
– Өрттің жалпы ауданы шамамен 200 шаршы метрді құрады. Өрт сөндірушілер келгенге дейін ғимараттан 10 адам өз бетінше далаға шыққан. Өрт сөндіру жұмыстары кезінде ТЖД қызметкерлері жарылыстың алдын алу мақсатында 3 газ баллонын қауіпсіз жерге шығарды, – деді ҚР Төтенше жағдайлар министрлігінің баспасөз қызметі.
Зардап шеккендер жоқ.
