Жыл басынан бері тыныштықты бұзған 700 азамат жауапқа тартылған, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, өңірдегі ең көп таралған құқық бұзушылықтардың бірі – көппәтерлі үйлерде қатты музыка қосу немесе жөндеу жасау.

–   М. Горький көшесіндегі үйдің тұрғыны күн сайын түнде қатты музыка тыңдайтын көршісіне шағымданды. Ломов және Айманов көшелердің пәтер тұрғындары жоғары дауыста музыка тыңдады деген шағым түскен, – делінген департаментте.

Тәртіп сақшылары тыныштықты бұзғаны үшін құқық бұзушыларды жауапқа тартып, айыппұл салды.