Жарысқа аймақтағы 3 қала мен 12 ауданның командалары қатысты, деп хабарлайды @Pavlodarnews.kz  тілшісі.

Павлодар облысы дене шынықтыру және спорт басқармасының мәлімдеуінше, қалалар мен аудандар арасында үстел теннисі және қысқы президенттік көпсайыс бойынша облыстық қысқы гимназиаданың 2 кезеңі өтті. 

- Үстел теннисінен жарыс қорытындысы бойынша аудандар арасында бірінші орынды Баянауыл ауданының командасы, қалалар арасында Екібастұз қаласының командасы көш  бастады, - делінген хабарламада. 

Ал қысқы Президенттік көпсайыс бойынша ұлдарға арналған бел темірге тартылу, қыздарға арналған еденен қолды тіреп денені көтеру және пневматикалық мылтықтан ату, шаңғымен жүгіру сынды спор  түрлерінен бақ сынады.

Сайыс қорытындысы бойынша аудандар арасында Павлодар ауданы үздік атанса, қалалар арасында Ақсу қаласы дараланды.