Оқиға орнына тоғыз техника мен жеке құрамнан 31 адам шықты, деп хабарлайды @Pavlodarnews.kz тілшісі.

Облыстық ТЖД баспасөз қызметінің мәліметінше, сағат 14.09-да Batyr mall  сауда және ойын-сауық орталығында жарылғыш құрылғы салынғаны туралы хабар  түскен. 

– Орталық қызметкерлері мен 102 қызметі эвакуация жүргізді. 460 адам эвакуацияланды, оның ішінде 400-і келуші, 60 персонал, – деді департаментте. 

Тексеру нәтижесінде жарылғыш құрылғы табылмады.

Еске сала кетейік, әлеуметтік желіде Batyr mall орталығында жарылғыш зат қойылғаны туралы ақпарат тараған болатын.