Баланы шошытқан: Екібастұзда екі жүргізуші жазаланды (ВИДЕО)
Олардың әрқайсысына 10 АЕК айыппұл салынды, деп хабарлайды @Pavlodarnews.kz тілшісі.
Әлеуметтік желі қолданушысы @ekibas_v_teme парақшасында екі жүргізуші жолда апаттық жағдай туғызғаны туралы жазған.
– Біз екінші емхананың жанынан такси ұстаған едік. Артымыздан автокөлік келе жатты. Біз отырмас бұрын екеуінің арасында жанжал болған сияқты. Екеуі жол бойы маневр жасап келді. Қасымда болған кішкентай қызды шошытты, – дейді хабарлама авторы.
Екібастұз қалалық полиция басқармасында аталған факті бойынша жол қозғалысы ережелерін бұзып, төтенше жағдайдың туындауына әкеп соққан жүргізушілер анықталғанын хабарлады. Екеуі де ӘҚБтК-нің 606-бабы, 1-бөлігі бойынша әкімшілік жауапкершілікке тартылып, әрқайсысына 10 АЕК әкімшілік айыппұл салынды.
Посмотреть эту публикацию в Instagram
