Шахмат үйінде үстел спорт ойынынан іріктеу жарыстары өтті, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, жарысқа облыстың 20 полицейі қатысты.  Ойын нәтижелері бойынша әкімшілік полиция басқармасының аға инспекторы, майор Арман Әбжанов жарыстың жеңімпазы және погондағы үздік гроссмейстер атанды. Екінші орын ЖҚАЖ инспекторы, капитан Серік Серікбаевқа берілді. Үшінші орын ЖҚАЖ аға инспекторы – капитан Қайыржан Смағұлов және Екібастұз қаласы полиция басқармасы инспекторы, лейтенант Бақтияр Қарамбаевқа бұйырды.

– Погон киген адамдардың интеллектуалды ойындар ойнауы өте маңызды. Біздің қызметкерлер арасында тек күш спорты ғана емес, сонымен қатар интеллектуалды спорт түрлері де танымал бола бастады. Қызметкерлердің спорттық жетістіктерін департамент басшылығы өзін-өзі жетілдіруге деген ұмтылыстың белгісі ретінде құптайды, – деп атап өтті Павлодар облысы полиция департаменті арнайы және жұмылдыру дайындығы басқармасы бастығының орынбасары Владимир Ходацкий.

Жеңімпаздар Алматы қаласында өтетін Қазақстан Республикасы ІІМ чемпионатында облыстың спорттық намысын қорғайды.