Павлодарда шекара қызметінде бос жұмыс орындары бар

Үміткерлер болашақта Қазақстан Республикасы мен Ресей Федерациясында жоғары әскери оқу орындарында тегін білім алу мүмкіндігіне ие болады, деп хабарлайды @Pavlodarnews.kz тілшісі.

ҰҚК Шекара қызметінің Павлодар облысы бойынша Департаменті келісім шарт бойынша әскери қызметке шекара бөлімшелеріндегі бос лауазымдарға кандидаттарды қабылдайды. Сондай – ақ офицерлік лауазымдарға заңгерлер, қаржыгерлер, журналистер, әскери психолог, медициналық, ветеринарлық және техникалық білімі бар мамандар келе алады.

Келісім шарт бойынша әскери қызмет – кәсіби өсу перспективасын беретін, әскери қызметшінің өзін де, оның отбасы мүшелерін де әлеуметтік қорғауды қамтамасыз ететін мемлекеттік қызметтің ерекше түрі. Әрі 47 жастан зейнетке шығу мумкіндігі бар.

Үміткерлерге қойылатын талап:

- жақсы сипаттама,

- мерзімді әскерді өту немесе 40 күндік ӘТМ курсы,

- орта білім және орта білімнен кейінгі білім.

Келісім шарт бойынша әскери қызметшіге кепілденеді:

- 200.000теңге көлемінде тұрақты жалақы, әскери атағы мен еңбек өтіліне қарай;

- отбасының әрбір мүшесіне 44.352 теңге көлемінде ай сайынғы тұрғын үй төлемдері;

- шекара нарядта қызмет көрсету кезінде ақшалай өтемақы төлеу;

- киіммен қамтамасыз ету;

- жыл сайынғы ақылы еңбек демалысы (45 тәулік) және сауықтыру жәрдемақысы;

- тегін медициналық қамтамасыз ету.

Сондай – ақ Қазақстан Республикасы мен Ресей Федерациясында жоғары әскери оқу орындарында тегін білім алу мүмкіндігі бар.