Бала өңештің толық дамымауы, анустың болмауы және тік ішектің өсуі диганозымен дүниеге келді, деп хабарлайды @Pavlodarnews.kz. 

Облыстық денсаулық сақтау басқармасы баспасөз қызметінің мәліметінше, нәресте жағдайының ауырлығына байланысты шұғыл түрде перинаталдық орталықтан облыстық балалар ауруханасына жеткізілді. Оған облыстық  аурухананың дәрігерлері жаңа туған балаға күрделі ота жасады.

– Балаға өңештің көмейін асқазанмен байланыстыру, сондай-ақ тік ішекке қосылу арқылы анальді тесік жасау операциясы жасалды. Бүгінгі таңда ағзаның өмірлік маңызды функциялары қалпына келтірілді, баланың жағдайы қанағаттанарлық, – деді басқармада. 

Педиатриядағы өңеш атрезиясы ерте хирургиялық араласусыз өмірмен үйлеспейтін ең ауыр ақауларды білдіреді. Өңеш атрезиясы жаңа туған нәрестелердің 0,1-0,4% байқалады (асқазан-ішек жолдарының барлық ақауларының 13,5%).

Аноректальді ауытқулар туған 5000 нәрестенің бірінде кездеседі.

Павлодар облыстық балалар ауруханасында 2021 жылы өңеш атрезиясының бір жағдайы, 2022 жылы осы патологиямен бес жағдай болды.

Өңештің атрезиясы баланың ерте қайтыс болуына әкеледі және оның өмірін туғаннан кейін 36 сағаттан кешіктірмей жасалған шұғыл операция арқылы ғана сақтауға болады.