Облыста 8 тамыз, сенбі күні ауыл шаруашылығы жәрмеңкесі ұйымдастырылады, деп хабарлайды @Pavlodarnews.kz.

Жәрмеңке Мемлекет басшысының 2022 жылғы 5 қаңтарда берген негізгі азық-түлік тауарларының бағасын тұрақтандыру жөніндегі тапсырмасын іске асыру аясында өткізіледі.

Сауда алаңы Торговая көшесі, 2А мекенжайында, Космонавтар және Торговая көшелерінің қиылысында орналасқан Jailau базарының аумағында орналасқан.

Жәрмеңкеге Аққулы, Ақтоғай, Ертіс, Успен және Павлодар аудандарының, сондай-ақ Павлодар қаласының тауар өндірушілері қатысып, тұрғындарға ауыл шаруашылығы өнімдерін ұсынады.

Осындай ауыл шаруашылығы жәрмеңкелері сенбі күндері Екібастұз және Ақсу қалаларында, сондай-ақ облыстың 10 ауданында да ұйымдастырылады.

Ұйымдастырушылар өңір тұрғындары мен қонақтарын жәрмеңкеге қатысуға шақырады.