Павлодарда Қамзин көшесінің бір бөлігі мамыр айының соңына дейін жабылады
Ол жерде 10 мамырдан 31 мамырға дейін көлік қозғалысы тоқтатылады, деп хабарлайды @Pavlodarnews.kz.
«Павлодар су арнасы» ЖШС мәлімдеуінше, Қамзин көшесі бойында Малайсары батыр көшесінен Бекмаханов көшесіне дейінгі бөлігі қазылады.
- Ол жерде ауызсу құбырының күрделі жөндеу жұмыстары жүргізіледі. Жұмыс 31 мамырда аяқталады деп жоспарлануда, - деді кәсіпорында.
Сондықтан жүргізушілерден жүру бағытын алдын ала жоспарлауды өтінеді.
Фото: ашық дереккөздерден
