№ 35 мектепте қаланың жалпы білім беретін мектептерінің «Адал ұрпақ» ерікті клубтарының мүшелері мен оқушылардың VI слеті өтті, деп хабарлайды @Pavlodarnews.kz тілшісі.

Шараның мақсаты – патриоттық, адамгершілік тәрбие беру, мектеп ортасында сыбайлас жемқорлыққа қарсы мәдениетті қалыптастыру, сыбайлас жемқорлыққа төзбеушілікті нығайту жөніндегі бастамаларды көтермелеу және қолдау.

«Павлодар дарыны» бос уақытты қамту және балалардың дарындылығын дамыту орталығының мәліметінше, «Адал ұрпақ» ерікті мектеп клубтарының слеті алтыншы рет өткізілді, клубтар қаланың барлық жалпы білім беретін мектептерінде құрылған. Құрамында 5-11-сыныптардың 900-ге жуық оқушысы бар. V қалалық слеттің жеңімпазы Кенжекөл ЖОМ «KJK team» командасының оқушылары атанған.

«Жемқорлыққа қарсы - болашақ ұрпақ» байқауына 14 мектептің 140 оқушысы қатысты. Слетте театрландырылған қойылымның тұсаукесері болды және клубтың 2022-2023 оқу жылындағы қызметі туралы есеп берілді.

Слет қорытындысы бойынша 10 мектептің командалары жүлделі орындарға ие болды және Павлодар қаласының білім бөлімінің түрлі деңгейдегі дипломдарымен марапатталды.

 I орынды № 26 мектептің «ҰБТ» командасының оқушылары жеңіп алды. Бұл жеңіс командаға слеттің VI облыстық кезеңінде өнер көрсетуге және қала мектептерін таныстыруға мүмкіндік берді. Команда театр болашақ 2123 жыл және өткен - Рим дәуірі б. з. д. 300 жыл туралы қойылым ұсынды.  

– Сценарий жасау кезінде қатысушылардың шығармашылығы, қатысушылардың шығармашылық көзқарасы, сыбайлас жемқорлыққа төзбеушілікпен қарауға қатысуға деген ұмтылыс команданың табысының кепілі болды, – деді мектептің «Адал ұрпақ» клубының жетекшісі Болат Мұқышев. 

II орынды № 35 мектептің «Жарқын болашақ», № 39 мектептің «Болашақ», М. Әлімбаев атындағы мектептің «Жемқорлық net», А. Бөкейхан атындағы мектеп-лицейдің «Серпін» командаларының оқушылары иеленді.

III орынды  «Айбалта» - № 7 ЖОМ, «Әділет» - № 15 ЖОМ, «Адал» - № 17 ЖОМ, «Адал болашақ» - № 36 ЖОМ, «Құрмет» - № 43 ЖОМ, «Қыран» - Малайсары батыр атындағы ЖОМ, «Қазақстанның таза қолдары» - А. Байтұрсынұлы атындағы ЖОМ, М. Әуезов атындағы ЖОМ  оқушылары иеленді. № 29, Қ. Бекхожин атындағы, Ж. Тәшенев атындағы мектептердің командалары қатысқаны туралы «Павлодар дарыны» орталығының сертификаттарын алды.