Ол оны өздігінен шығара алмады, деп хабарлайды @Pavlodarnews.kz тілшісі.

Жексенбі күні қала құтқарушылары қарт әйелге жедел көмек көрсету үшін шақырту алды. Әйелдің айтуынша, оның саусағы еден жууға арналған құрылғыға қысылып қалып, өздігінен шығара алмаған.

Оқиға орнына жеткен жедел-құтқару жасағы арнайы құралдың көмегімен оның қолын қауіпсіз түрде босатты. Зардап шеккен әйелге медициналық көмек қажет болмады.

Облыстық төтенше жағдайлар департаменті тұрғындарға тұрмыстық техниканы пайдаланғанда абай болуды және денсаулыққа қауіп төнген жағдайда дереу көмек сұрауды еске салды.