Бұл өтінішті қызметкерлер ҚР Еңбек және әлеуметтік қорғау вице-министріне айтты, деп хабарлайды @Pavlodarnews.kz.

Астанада «Павлодарэнерго» энергожүйесі қызметкерлерінің жергілікті кәсіподағының төрағасы Балтабек Төлеубаев пен ҚР Еңбек және халықты әлеуметтік қорғау вице-министрі Ақмади Сарбасовтың кездесуі өтті.

Диалог барысында тараптар энергетикамен айналысатын қызметкерлердің зейнеткерлік жасын төмендету, мамандардың жалақысы мен әлеуметтік қолдау мәселелерін талқылады.

- Бәсекеге қабілетсіз жалақыға байланысты кәсіпорындар білікті кадрлардың жетіспеушілігіне тап болады. Сонымен қатар, кәсіподақ ұйымының пікірінше, еңбек жағдайлары мен кәсіптің ерекшелігіне қарамастан, жұмысшылардың зейнеткерлік жасы жоғары. Талқылау нәтижесінде кәсіподақ төрағасы тарифтерді қалыптастыру ережелеріне өзгерістер енгізуді және қызметкерлерді әлеуметтік қолдаудың жеке тармағын енгізуді сұрады. Сондай - ақ, жоғары оқу орындарына электр және жылу энергетикасы саласындағы білім беруді жақсарту үшін мемлекеттік гранттарды ұлғайтуды ұсынды, – делінген хабарламада.

Вице-министр зейнеткерлік жасты әйелдер үшін 58 жасқа және ерлер үшін 61 жасқа дейін төмендету мәселесін қарастыруға уәде берді. Ал энергетика мәселелері 2024-2025 жылдарға арналған бас келісім шеңберінде мұқият қаралатынын атап өтті. Оның айтуынша, бұл елдің энергетикалық қауіпсіздігін қамтамасыз ету жолындағы маңызды қадам.