Гүлмира Шәкенова өз тәжірибесімен бөліседі, деп хабарлайды @Pavlodarnews.kz тілшісі.

14 қарашада сағат 15:00-де Жастар бастамаларын дамыту орталығында «Sheberhana» жобасы аясында Instagram-ды ілгерілету бойынша сарапшы Гүлмира Шәкенованың шеберлік сабағы өтеді.

–    Өз тәжірибеммен бөліскім және өзімді басқа ортада таныстырғым келеді, – дейді Гүлмира Шәкенова.

Шеберлік сағатында Instagram ілгерілетудің тиімді стратегиялары, аудиториямен байланыс орнату және аккаунтыңызды таныту әдістері және Instagram арқылы табыс табу жолдары айтылатын болады. Сонымен қатар, кәсіпкер қатысушылардың сұрақтарына жауап беріп, нақты мысалдар арқылы талдау жасайды.

Қатысу үшін алдын ала жазылу қажет. Толық ақпаратты 8(778) 679 22 17 нөміріне хабарласып біле аласыз.