Жұмысшы кәсіптерінің өкілдері өздерінің жұмыс күндерін түсіріп, сол үшін үш бағалы сыйлықтың бірін жеңіп ала алады, деп хабарлайды @Pavlodarnews.kz тілшісі.

Биыл Қазақстанда 29 қыркүйекте атап өтілетін Еңбек күніне арналған конкурсты «Әділдік және өркендеу» қоғамдық қоры жариялады. Жұмысшы мамандықтарының өкілдеріне өз жұмыстары туралы бір минуттық ролик түсіріп, оны #adildikbaiqau және #adildikorkendeu хэштегтерімен Instagram-ға орналастыру ұсынылады.

– Біздің басты мақсатымыз – қоғамға жұмысшы кәсіптерінің, еңбек адамдарының зор маңызын көрсету, олар елдің әл-ауқаты үшін экономикалық негіз құратынын еске салу. Сондай-ақ, жұмысшыларға олардың шығармашылық әлеуетін ашуға мүмкіндік беру, олардың еңбектері туралы айтуға көмектесу. Бұл әрбір еңбектің құнды екенін еске салудың, жұмысшы мамандықтары үшін мақтаныш сезімін арттырудың және олардың мәртебесін арттырудың тәсілі, – дейді қоғамдық қор директоры Дана Рысмұхамедова.

Бейнеконкурс жеңімпаздарына бағалы сыйлықтар беріледі: бірінші орынға – робот-шаңсорғыш, екінші орынға – смарт-сағат, үшінші орынға – ақылды дыбыс бағанасы. Жеңімпаздарды еңбек қауіпсіздігі қорының қоғамдық комиссиясының мүшелері, сондай-ақ журналистер мен креативті индустрия өкілдері кіретін қазылар алқасы таңдайды. Байқау қорытындысы 10 қазанда шығарылады.

«Әділдік және өркендеу» қоры байқауды жыл сайын өткізуді жоспарлап отыр.