Аталмыш іс-шара Тәуелсіздік күніне арналған, деп хабарлайды @Pavlodarnews.kz тілшісі.

«Альрами» клубтық үйінде Тәуелсіздік күніне арналған «ZhastarВДЕЛЕ» жобасы аясында сурет салу бойынша шеберлік сабағы өткізілді.

Қатысушыларға басты шабыт көзі ретінде Тәуелсіз Қазақстанның символы – Бәйтерек монументі болды. Бұл асқақ бейне тарихи тамырын сақтап, берік тірегі бар және болашақ гүлденуге ұмтылған мемлекеттің белгісін білдіреді. 

Тәжірибелі суретшінің жетекшілігімен қатысушылар Бәйтеректің бірлік пен тәуелсіздіктің символы ретіндегі мағынасын кенепке түсірді. Шеберлік сабағы барлық қатысушыларды шығармашылық үдерісте біріктіріп, жарқын эмоция сыйлады және еліміздің құндылықтарын еске салатын маңызды іс-шараға айналды.