Спортшы Криштиану Роналдудың отанында 2024 жылдың ақпанынан бастап өнер көрсетеді, деп хабарлайды @Pavlodarnews.kz тілшісі. 

Павлодар футболының түлегі Ілияс Әбіл «Жил Висенте» жастар командасында ойнайды. Ұжым U-19 ел чемпионатының «Солтүстік» дивизионында өнер көрсетеді. Жаңа маусымның кезекті турында павлодарлықтың командаластары «Брагамен» кездесті, матчтың 87-минутында Ілияс Әбіл ойында жалғыз гол соғып, өз командасына жеңіс әкелді.

Бұл павлодарлықтың Португалия клубы үшін бірінші голы емес. Мамыр айында Ілияс Әбіл «Шавеш» қақпасын дәл көздеді. Оның голы командаға турнирлік ұпай алуға көмектесті.

Естеріңізге сала кетейік, 2023 жылы Ілияс Әбіл «Ақсу» сапында бір ғана матчта өнер көрсеткен болатын. Команданың жалғыз ойынында жартылай қорғаушы Алматыда «Қайратқа» әдемі гол соқты. Өткен жылы футболшы «Екібастұз» үшін бірінші лигада 15 матч және QJ-лигада «Ақсу» жастар құрамасы үшін тоғыз матч өткізді. Сол 2023 жылы Ілияс Әбіл Минскіде жасөспірімдер арасындағы «Даму Кубогында» ойнады. Беларусьте U-17 Қазақстан құрамасы финалға жетті, спортшының өзі төрт доп соқты. Жартылай қорғаушы U-19 жастар құрамасы үшін үш кездесу өткізді.

«Жил Висенте» Португалияның солтүстігіндегі Барселушта орналасқан. Негізгі команда елдің басты дивизионында – Примейрада өнер көрсетеді. Өткен маусымда клуб 12-ші орынға ие болды, бұл да 12-ші орында.