Өзгерістер Әкімшілік құқық бұзушылық туралы кодекстің саудаға қатысты екі бабына енгізілді, деп хабарлайды @Pavlodarnews.kz тілшісі.

2025 жылғы 13 наурыздан бастап ішкі сауда субъектісінің әлеуметтік маңызы бар азық-түлік тауарлары бойынша сауда үстемеақысының мөлшерін асырғаны үшін ҚР ӘҚБтК-нің 204-бабының төртінші тармағы бойынша жаза өзгертілді. Егер бұрын бұзушылық үшін тек ескерту берілсе, енді кәсіпкерлерге кәсіпкерлік субъектісінің санатына қарай 5-150 АЕК көлемінде айыппұл салынады. Бұл туралы ҚР Сауда және интеграция министрлігінің облыстық сауда және тұтынушылардың құқықтарын қорғау департаментінің басшысы Дәулен Қабдушев мәлімдеді.

Сонымен қатар, өзгертулер ӘҚБтК-нің 190-бабының бесінші тармағын қозғады, онда бұзушылықтар үшін сатушылардың, өндірушілердің және мердігерлердің жауапкершілігі қарастырылған.

– Бұл бұзушылықтарға сатушының байланыс ақпаратын қазақ және орыс тілдерінде орналастыру, тұтынушының құқықтары мен заңды мүдделерінің бұзылуын жою туралы талапқа жазбаша жауапты уақытында бермеу, сондай-ақ тауарды уақтылы айырбастау және қайтару бойынша міндеттемелерді орындамау жатады, – деді спикер. 

Осы өзгерістер де 13 наурызда енгізілді. Енді ескерту орнына 5-тен 25 АЕК-ке дейін айыппұл салынады.

Жуырда департамент пен қоғам қайраткерлері «Сапалы өнім» жобасын жүргізіп бастады.

– Ағымдағы жылы 7 өнім (сүт өнімдері, кондитерлік өнімдер, күнбағыс майы) сатып алынды, 4 өнім түрінің мемлекеттік тілде жазылған этикеткалары болған жоқ, – деп қосты Дәулен Құбдушев.

Аталған құқық бұзушылық үшін кәсіпкер ҚР ӘҚБтК-нің 425-бабының бірінші бөлігі бойынша әкімшілік жауапкершілікке тартылды.