Жәрмеңкедегі өнімдердің бағасы әдеттегі күндермен салыстырғанда 15-20 пайызға төмен, деп хабарлайды @Pavlodarnews.kz тілшісі.

14 наурыз күні облыстың үш қаласы мен он аудан орталығында жергілікті ауыл шаруашылығы тауар өндірушілерінің қатысуымен кеңейтілген ауыл шаруашылығы жәрмеңкесі өтеді.

Сондай-ақ 15 наурызда облыстың үш қаласында 56 сауда алаңында ауыл шаруашылығы жәрмеңкелері ұйымдастырылады.

Павлодар қаласында – Достық, Усолка, Химқалашық, «Ласточка» шағын аудандарында және екінші Павлодарда.

Ақсу қаласында – Ақсу, 4-ші, 5-ші, 8-ші және 10-шы шағын аудандарында.

Екібастұз қаласында – 9-шы, 5А, 19-шы, 20-шы және 31-ші шағын аудандарында.

Сатылымға шығарылатын өнімдердің жалпы көлемі 360 тоннаны құрайды:

– сиыр еті – 22 тонна;

– жылқы еті – 18 тонна;

– шикі сүт – 8 тонна;

– картоп – 150 тонна;

– көкөністер – 62 тонна.

Жәрмеңкелерді өткізу тұрғындарды сапалы әрі қолжетімді өніммен қамтамасыз етуге, сондай-ақ жергілікті өндірушілерді қолдауға бағытталған.