Қолөнерді дайындауға бір жылға жуық уақыт кеткен, деп хабарлайды @Pavlodarnews.kz тілшісі.

Павлодар қаласының  балалар көркем-сурет мектебі баспасөз қызметінің мәліметінше, үлкен көлемді түскиіз қалада өтетін  Наурыз мейрамына арналған. 

- Мектеп оқушылары түскиіз панносын дайындады. Ежелден келе жатқан киіз үй қабырғасына ілінетін жиһаздың бұл түрін оқушылар өздері дайындады.  Кілемнің биіктігі 3 метр, ал ұзындығы 10 метр болады. Түскиіз 50 түрлі элементтен құралған,- делінген хабарламада.

Айта кетейік, қала тұрғындары мен қонақтары жасалу уақыты бір жылға жуық уақытқа созылған түскиіз панносын Литвинов паркінен тамашалай алады.