Олар ағаш көшеттерін отырғызып, өрттен қаза тапқан батырларды бір минуттық үнсіздікпен еске алды, деп хабарлайды @Pavlodarnews.kz тілшісі.

№ 9, 16, 34 жалпы орта білім беретін мектептердің оқушылары орман табиғи резерватының қонақтарына айналды. Экскурсия өскелең ұрпақтың қоршаған ортаға деген қамқорлық пен экологиялық мәдениетті тәрбиелеуге бағытталған «Таза Қазақстан» республикалық акциясына қатысудан басталды.

– Экоакция барысында балалар Шалдай ауылындағы Дендросаябақ пен авиа бөлімінің аумағына пирамидалық терек, мойыл, емен ағаштарының көшеттерін отырғызды. Экскурсияның екінші кезеңінде олар өрт кезінде қаза тапқан батырларды бір минуттық үнсіздікпен еске алды, – деді ведомствода.

Сонымен қатар, бағдарламаға сәйкес оқушылар Шалдай филиалының әуе бөлімшесіне, орман тұқымбағына, өрт сөндіру бөлімшесіне барды. Ал экскурсияның екінші күні балалар «Лешканың соқпақ жолы» 12 туристік бағытына барды.

– Бұл іс-шара тікұшақ ұшқышымен, орман өрт сөндіру станциясының қызметкерлерімен, мемлекеттік инспекторлармен тікелей танысуымен қызықты болды. Жас туристер орман тұқымбағына барды, онда олар кішкентай қарағайлардың қалай пайда болып, табиғи күшке ие болғанын көре алды. Балалар қоршаған ортаны қорғауға қатысты сұрақтарды қызығушылықпен тыңдап, жауап берді, – делінген хабарламада.

Табиғи резерватта атап өткендей, табиғатпен, оны қорғаумен тікелей айналысатын адамдармен тығыз қарым-қатынас балалардың экологиялық мәдениетінің деңгейін көтеріп, табиғатқа деген сүйіспеншіліктерін арттырады.