Қалалық балалар көркемсурет мектебінде облыстық балалар бейнелеу өнері конкурсының қалалық кезеңі өтті, деп хабарлайды @Pavlodarnews.kz тілшісі.

Балалар шығармашылығын дамыту және қолдау, ел мен облыстың

дамуына үлес қосқан атақты адамдар туралы білу мақсатында ұйымдастырылған байқауға қала мектептерінің 10-17 жас аралығындағы 60-тан астам оқушысы қатысты.  

– Қатысушылар өз жұмыстарында академиктің шығармашылығын, портреттерін, туған өлкесін, Баянауылдағы Қаныш Сәтбаев атындағы кенттің табиғатын, көріністерін бейнеледі. Сондай-ақ, жас суретшілер оның геология саласындағы академик, ғалым және еңбеккер ретіндегі қызметін бейнелейтін суреттер салды, – деді қалалық білім беру  бөлімінде.

Гуашь кескіндеме техникасында 40-тан астам жұмыс, түрлі-түсті қарындаштармен, фломастермен, акварельдермен және гель қаламдарымен 18 жұмыс салынды.

Байқау қорытындысы бойынша 19 жүлделі орын анықталды. Бірінші орынды балалар көркемсурет мектебінің оқушылары Майя Төлеубай,  «Сәтбаевтың портреті» үшін, Анастасия Ярушина «Сәтбаев» жұмысы үшін, Лидия Нечаева «Тауларда», № 40 ЖОМ оқушысы Влада Клевина «Сәтбаевтың Отанында», № 36 ЖОМ оқушысы Татьяна Зайцева «Сәтбаев» және Ы. Алтынсарин атындағы мектеп-гимназиясының оқушысы Нұрбек Әлшімбеков «Сәтбаев жұмыста» жұмысы үшін иеленді.