Жұмыс ғылыми сүйемелдеу мамандарының тікелей қатысуымен жүргізілуде, деп хабарлайды @Pavlodarnews.kz тілшісі.

Жер қойнауын пайдалану, қоршаған орта және су ресурстары басқармасының баспасөз қызметі 13 маусымға жоспарланған шыбын-шіркейді жою жұмыстары жайлы әлеуметтік желіде бөлісті.

- сағат 10.00-нан бастап Павлодар, Ақсу қалаларында және жағалаудағы аудандарға фенологиялық бақылау жүргізіледі. 23:00 бастап жағалау аумағында, темір жол көпіріне, Усолка шаңғы базасын және автомобиль көпірінің артындағы бөгетті қамти отырып, сары масаға қарсы өңдеу жоспарлануда,- дейді басқармада.

«ТЕК.А.ТЕК.KZ» ЖШС мердігерлік ұйымы ғылыми сүйемелдеу жұмыстарын атқаруда. Ал «QSM Engineering» ЖШС облыстық мердігерлік ұйымы өңдеу жұмыстарын орындайды.