Жұмыстар тәулік бойы жүргізіледі, деп хабарлайды  @Pavlodarnews.kz тілшісі.

Облыстық ТЖД баспасөз қызметінің мәліметінше, төтеншеліктер Солүстік Қазақстан облысында су тасқынымен күресуді жалғастыруда. Құтқарушылар Заречный кентіндегі бөгетті нығайтып жатыр. 

– Осы уақытта 5000-нан астам қап дайындалды. Қызметкерлер үй жануарларын да эвакуациялап, кейін оларды ветеринарлық қызметке тапсырады, – деді департаментте. 

Сондай-ақ СҚО-ның жергілікті атқарушы органдары және полиция қызметкерлерімен бірге аулаларды аралау, тұрғындарды хабардар ету және эвакуациялау шаралары жүргізілуде. 

Солтүстік Қазақстан облысында Павлодар облысы ТЖД-ден барлығы 53 адам және 10 техника жұмыс істеуде.